El-Kehane Ue’l-‘Irafe
Përkufizimi i fjalës kahin dhe i fjalës arraf
Kahin quhet ai që tregon nëpërmjet xhinëve dhe shejtanëve për gjërat që do të ndodhin në të ardhmen.
Arraf quhet ai që pretendon se i di çështjet e së tashmes, siç është njohja e vendit të diçkaje të vjedhur a të humbur, përmes disa metodave të fshehta.
Pretendimi për njohjen e gajbit (të fshehtës):
Kushdo që pretendon se e njeh gajbin (të fshehtën) bën kufër, sepse një gjë e tillë është përgënjeshtrim i Kuranit. Allahu i Madhërishëm thotë:[Kuran a=”27-En-Neml:65″]
Llojet e atyre që flasin për gjëra të fshehta:
- Ai që tregon për gjëra të fshehta nëpërmjet xhinëve quhet kahin
- Ai që tregon për gjëra të fshehta nëpërmjet bërjes së vijave në tokë quhet rammal
- Ai që tregon për gjëra të fshehta nëpërmjet yjeve quhet munexhxhim
(astrolog).
- Ai që tregon për gjëra të vjedhura a të humbura nëpërmjet metodave të fshehta quhet arraf
Vendimi për shkuarjen te falltarët dhe magjistarët:
- Shkuarja te falltarët dhe magjistarët për t’i pyetur, por pa u besuar atyre:
Kjo gjë ndalohet rreptësisht dhe është prej mëkateve të mëdha, madje namazi i atij që e bën këtë nuk pranohet për dyzet ditë.
Argument për këtë e kemi thënien e të Dërguarit të Allahut (a.s.) “Atij që shkon te falltari dhe e pyet për ndonjë gjë, nuk do t’i pranohet namazi për dyzet ditë.”(Muslimi) Këtu është për qëllim që ai njeri nuk merr shpërblim për namazin që e bën.
- Shkuarja tek ata për t’i pyetur dhe duke u besuar atyre:
Kjo gjë është përgënjeshtrim i Kuranit që i ka zbritur Muhamedit alejhi selam.
Argument për këtë e kemi thënien e të Dërguarit të Allahut: “Ai që shkon te falltari dhe i beson në atë që e thotë, veçse e ka përgënjeshtruar atë që i ka zbritur Muhamedit”(Të katërtit dhe Hakimi)
