Ebu Hurejra, Allahu qoftë i kënaqur me të!, përcjell se i Dërguari i Allahut صلى الله عليه وسلم ka thënë:
“Allahu është i Mirë dhe pranon vetëm atë që është e mirë. Ai ua ka urdhëruar besimtarëve atë që ua ka urdhëruar të dërguarve duke
thënë: “O të dërguar! Hani të lejuarat dhe bëni vepra të mira!” (Kuran, 23:51) Si dhe: “O besimtarë! Hani ushqimet e lejuara që jua kemi dhënë.” (Kuran, 2:172) Pastaj (i Dërguari) përmendi një njeri që kishte udhëtuar gjatë, flokëshprishur e i pluhurosur kishte ngritur duart lart duke thënë: ‘O Zot! O Zot!’ Ndërkohë, ushqimi i tij ishte haram, pija e tij ishte haram, veshja e tij ishte haram, ishte ushqyer me haram! E si t’i pranohet lutja?!”
E shënon Muslimi [numër 1015].
Allahu është i Mirë dhe e pranon vetëm të mirën
